شرحنا هالشرح لان اغلب الناس تركت الستلايت واحياناً يحتاجون يشوفون قنوات معينة حتى يشوف مسلسل او برنامج معين

الطريقة تعتمد على IPTV

شنو هو ال IPTV ؟

هو بروتوكل مشاهدة القنواة عبر شبكة الانترنيت باستخدام تقنية البرودباند



شنو الفرق بينة والبث العادي ؟

الفرق انو IPTV يبث عن طريق الانترنيت اما الباقي يتم عن طريق وصلات LAN او البث التقليدي بواسطة الاقمار الصناعية

حتى تتعرف اكثر على تقنية ال IPTV – تكدر تزور ويكيبيديا من هنا



هسه نجي شلون راح نشاهد قنوات التلفاز من خلال الموبايل بشكل عام …

حتى تشاهد قنوات الستلايت على الانترنيت وملف قنوات صن بلص راح تحتاج شغلتين اولاً برنامج IPTV وملف M3U الي يحتوي على القنوات

بالنسبة للقنوات المشفرة راح يكون ملف الM3U الخاص بيها متجدد وراح نعلمك هم شلون تحصل عليهن وننطيك هواي مواقع